Skryfgeheime- aanlyn skryfskool
Prenteboekkursus - van idee tot publikasie
Ons studente publiseer by uitgewers soos Lapa, Fantasi, Via Afrika, e.a.
Hierdie unieke, interaktiewe skryfkursus is spesifiek ontwikkel vir diegene wat ritme en rym geniet en markgerigte boeke vir 2-7-jarige pikkies wil skryf.
Jy gaan verskeie suksesvolle prenteboeke aanlyn lees en bestudeer. Dit beteken natuurlik jy hoef geen ekstra kursusmateriaal aan te koop nie.
Met behulp van die sewe-module-plan gaan jy 'n geskikte storie-idee vind en tot 'n volwaardige verhaal uitbou. Veral gaan jy leer om visueel en met vonk te skryf.
Jy gaan uitvind hoe om jou skryfwerk te hersien en te redigeer sodat jy die eindproduk met trots by 'n gerekende uitgewer kan indien.
Heeltyd werk jy op 'n een-tot-een basis saam met jou kursusleier, van die vind van 'n gepaste idee tot en met 'n voltooide verhaal. En as die illustrasies jou dalk bekommer - ontspan! Dis die uitgewer se taak om 'n geskikte kunstenaar te vind en te vergoed.
Lees wat gesels drie prenteboekstudente:
* "Ek het die hele kursus weer deurgewerk en ek moet jou komplimenteer: dis uitstekend uiteengesit en maklik verstaanbaar. Nie net word alles deeglik verduidelik nie, dit lees ook lekker en is humoristies." Adri Claasen
* "Al sukkel ek, en al moet ek al die studiemateriaal weer en weer lees, is dit seker die lekkerste 'werk' wat ek al ooit gedoen het." Maria Prinsloo
* "Baie dankie vir jou geduld. Ek sal jou kursus oral aanbeveel. Alles begin nou sin maak en ek geniet die skrywery terdeë." Yolande Fourie
Prenteboekkursus: Sewe-module-plan
Module 1: Definisie
* Bespreking van Babalela
* Sielkundige & emosionele leesbehoeftes
* Leesprogram
* Bylae en littelosmakers
Werkstukke:
1. Voltooi jou leeslys
2. Skryf ’n littelosmaker
Let wel: Jy ontvang die terugvoer op elke werkstuk binne 7 dae nadat jy dit ingestuur het, en daarmee begin die hersienings- en redigeringsleerkurwe.
Module 2: Ken jou teikenmark
* Vygotsky en Bruner se skema
* Erikson se stadia van emosionele ontwikkeling
* Wat wil uitgewers hê?
* Waar kry ek idees?
* Storielyn: ’n Reeks gebeurtenisse
Werkstuk: Vertaal ’n prenteboekteks
Module 3: Teksanalises
* Teksanalise: Die storie van Ferdinand
* Skakels en oorgange: Pette te koop
* Teksanalise: Corduroy
* Prikkelende skryfstyl: Corduroy
* Teksanalise: In my kartondoos
* Hoe skryf ek so ’n storie?
Werkstuk: Begin ontwikkel ’n storie-idee
Module 4: Rym en ritme
* Skryf met ritme: Is daar plek op jou besem?
* Konsepboeke: Freight Train; Seven Blind Mice; The Very Hungry
Caterpillar; Chicka Chicka Boom Boom
* Besprekings: There was an old Lady; Good Night, Gorilla; Frog and Toad
are Friends; Mike Mulligan and his Steam Shovel
WERKSTUK: Analiseer Rosie’s Walk
MODULE 5: Klassieke treffers
* Die geheime van Babar
* The Three Billy Goats Gruff
* Strega Nona
* Harry the Dirty Dog
* Where the Wild Things are
* Goodnight Moon
* The Dumb Bunnies
Werkstukke:
1. Harold and the Purple Crayon.
2. Skryf 'n storie
Module 6: Ritme en fokus
* Vind uit wat kohesie en samehang beteken
* Skep ’n karakter wat tot kinders spreek
* A Treasury of Curious George
* Begin skryf jou eie storie
Werkstuk: Voltooi jou kursusverhaal
Module 7: My storie is klaar … Wat nou?
* Vind die regte uitgewer
* Kontrakte: Wat is mý regte?
* Die pad vorentoe
Taak: Voltooi ’n professionele voorlegging, nl. ’n dekbrief plus ’n volledige manuskrip gereed vir voorlegging aan 'n geskikte uitgewer.
Studente-terugvoer:
"Ek kan nie glo dis dieselfde storie nie. Jy is baie, baie goed. Twee koppe is beslis beter as een!" Nikoleen van der Spuy
Kry die betaalplanne en/of skryf in vir die Prenteboekkursus
* Jy sal alle nodige kursusinligting per e-pos ontvang.
* Jou navraag plaas jou onder geen verpligting om wel 'n inbetaling te maak nie.
Gepubliseerde studente:
NUUSBRIEF:
Kompetisies
Skryfkanse
Promosies
Maandeliks
Skryfstudente gesels:
Dankie vir die terugvoering en hoe jy dit gee. Ek vind die kursus interessant, motiverend en uitdagend, en wens net ek het al hierdie inligting al jare terug gehad. Om in te skryf vir jou kursus was een van my beste besluite ooit.
Yvette Bester
Jy het geen idee hoe baie ek al klaar geleer het vandat ek met hierdie kursus begin het nie, jy het regtig geen idee nie. So baie dankie vir al jou hulp.
Judy de Bruin
Ek geniet die kreatiewe skryfkursus baie en sien dat dit totaal anders is as om feitelike beriggewing vir die koerant te skryf. Baie dankie vir die goeie kommentaar op die vorige werkstuk. Gert Kruger
Baie dankie vir jou kommentaar, dis in die kol ... ek is oopkop in die ding in, en doen dit absoluut vir die pret en om myself te ontwikkel, en neem nie kritiek persoonlik op nie.
Sanél Hopkins
Dis amper soos om 'n nuwe taal aan te leer. Elke konsep wat jy snap, maak skielik tien deure oop! As ek nou die opdrag moes oordoen, sou ek reeds baie dinge verander het. Ek sal 'n paar dae lank rustig deur alles gaan en aan die storie skaaf. Daarna sal ek wegspring met module 2. Sien reeds uit daarna. Molly Lubbinge
Die kinderboekkursus is regtig opwindend en dis my plan om teen die einde ’n volledige manuskrip te hê. Albert Short
Baie dankie vir jou terugvoer, ek het al baie soorte kursusse gevolg en joune staan kop en skouers bo die res uit. Plus, jou terugvoer beantwoord elke keer alles waaroor ek gesit en wonder het terwyl ek skryf. Die enigste probleem is ek wil nie hê die kursus moet ooit ophou nie, ek geniet dit te veel. Melanie Pienaar
Jou terugvoer het my van vooraf geïnspireer. Dankie vir die moeite wat jy doen en die tyd wat jy spandeer aan my probeerslae. Jou wenke is die vuurhoutjies wat die kers aan die brand hou. Celia du Plessis
Ek waardeer jou kursus en al die moeite wat jy doen. Dit bring die realiteit na vore sonder om my op moedverloor se vlakte te laat sit, dit laat my vars en anders dink. Beslis die koste deur en deur werd. Elizma Coetzee
My woorde lyk nie meer soos 'n vervelige rytjie wasgoed aan 'n lang draad nie. Elsabé Bester
Lees vir ontspanning ontaard nou in 'n kritiese ontrafeling van teks, karakters en skryfstyl. Ek geniet dit terdeë. Johan Nel
Ek het deur jou terugvoer op my werkstuk gegaan. Dis absoluut wonderlik! Ek is al moedeloos met vriende en familie wat nie objektiewe terugvoer kan gee nie. Ek leer geweldig baie by jou. Erica Pretorius
As stokperdjieskrywer wil ek dankie sê vir al die hulp. Vandag, jare na ek vir die kursus ingeskryf het, blaai ek steeds deur die modules en terugvoer en kry sonder uitsondering nog iets wat my skryfwerk verryk. Dit sluit wenke sowel as motivering in. Jan Bonthuys
Jou kursus, en die storie wat jy vir my geredigeer het, was van onskatbare waarde, dis ongelooflik hoe baie 'n mens leer wanneer jy deur 'n geredigeerde weergawe van jou eie storie werk. Antoinette Venter
Die kursusse het vir my oneindig baie beteken. Ek gebruik elke dag in my werk van die dinge wat ek geleer het. Dit het ook vir my die moed gegee om te waag en te skep. Ek het so baie oor myself geleer. Henriëtte Louw
Almal wat wonder of hulle kan skryf, moet hierdie kursusse volg. Ek het ongelooflik baie selfvertroue gekry en ek kon met elke module sien hoe my skryfwerk verbeter. Suretha Brits
Ek merk dat die meeste van jou studente melding maak van jou positiewe houding en aanmoediging - dis waar. Marinda van Niekerk
Ek voel dat ek met 'n doel werk en dat elke werkopdrag op 'n gehalteproduk afstuur. Melodie Veldhuizen
Jy verdien 'n pronkveer vir jou skryfkursus. Daar is 'n logiese opbou van module tot module sodat selfs 'n leek soos ek in staat is om die legkaartstukke bymekaar te sit.
Rita Hofmeyr
Skryfgeheime voel vir my soos die deurgang na 'n nuwe lewenswyse. Dankie vir jou kommentaar op my werkstukke en vir jou aanmoediging. Willem Fourie
Ek het nog nooit 'n skrywer ontmoet wat my so effektief help nie.
Elna Nieuwoudt
Alles wat jy uitgelig het, was presies dit waarmee ek gesukkel het. Dit het heeltyd vir my gevoel daar kort iets, 'n "twist". Ek het ook gevoel my storie benodig ’n opwindende verandering, dit was net te "veilig". Ek is so opgewonde en sien uit daarna om verder daaraan te werk. Yolandi Odendaal
'n Mens is huiwerig om te sien wat iemand anders van jou werk dink, maar nou kan ek nie wag om al die wenke toe te pas nie. Alta van Niekerk
Jy groei baie as mens. In jouself en
ook in jou interaksie met mense. Jy leer besef die impak van woorde.
Elmarie Schultz
Ek was so verras toe ek die terugvoer
kry en sien jy kraak nie 'n ou se werk af nie. Marieta Thünemann
Ek gaan dit geniet om ou breinpatrone uit te vee en nuwes te maak. Ek voel glad nie meer afgetree nie.
Troula Goosen
Ek het verskriklik baie geleer oor myself, ander mense én die skryfambag. Jou verbeeldingryke prikkelvrae en praktiese skryftegnieke is die perfekte kombinasie. Riëtte Botma
Die kursus was so insiggewend en verrykend, ek het ongelooflik baie geleer. Myself dikwels bevraagteken en gewonder of ek ooit die ding onder die knie gaan kry. Maar ek is nie iemand wat maklik moed opgee nie en ook nie bang om te waag nie. Dankie vir al die handvashou. Adelle von Ronge Kotze
Die kursus het ander wêrelde en deure oopgemaak. Hoop om binnekort met die kinderboekkursus of joernalistiek te begin. Monja Beyers