Skryfgeheime- aanlyn skryfskool
Kinder-en-jeugboekkursus
Ons skrywers publiseer by Tafelberg, Protea, Oxford, Fantasi, e.a.
Word 'n suksesvolle, gepubliseerde kinderboekskrywer en sien daardie boek wat jy geskryf het in gretige kinderhande. Met die tien-module-plan gaan jy, stapsgewys, van storievonk tot voltooide manuskrip, leer hoe om hierdie kompeterende mark met selfvertroue te betree.
Die kursus is geskik vir die skryf van boeke met teikenlesers van 8 tot 14 jaar oud in gedagte. Teoretiese gedeeltes word toegelig met take, oefeninge en voorbeelde uit die literatuur.
Elke module voer jou kursusverhaal 'n paar stappe verder. Elke module eindig in 'n werkstuk waarop jy binne 7 dae terugvoer deur 'n geoefende kursusleier ontvang. Die idee is immers dat jy so gou moontlik by ons lang lys gepubliseerde skrywers sal aansluit.
Met die terugvoer begin die redigeringskurwe. Nou leer jy hoe om jou eie skryfwerk te hersien en te redigeer sodat jy die eindproduk met trots aan 'n nasionale uitgewer kan stuur.
Studente-terugvoer:
* "Ek het gisternag tot laat gesit en lees aan Module 1. Ek kon net nie ophou nie. Die inligting is maklik verstaanbaar en prakties." Ria Koen.
* "Ek is baie beïndruk met hoe jy die kursus aanbied. Jy wil my nie aanjaag nie, maar my eerder help tot ek reg is vir die volgende module. Baie dankie." Rentia Bergh.
Kinder-en-jeugboekkursus: Tien-module-plan
Jy ontvang die terugvoer op elke werkstuk binne 7 dae nadat jy dit ingestuur het, en daarmee begin die hersienings- en redigeringsfase.
Module 1: Agtergrond
* Die Afrikaanse kinderboekwêreld: voorwaardes vir sukses
* Die kind se sielkundige en emosionele leesbehoeftes
* Waar kry ek idees?
Selfdoentaak: Voltooi 'n vertaaltaak
Werkstuk: Kies 'n storievonk en skryf ’n littelosmaker
Module 2: Suksesvolle storielyne
* Verslaan-die-monster
* Aspoestertjie
* Heen-en-terug
* Die soektog of sending
* Vertrekpunte: Hoe ontstaan 'n storie?
Werkstuk: Vind jou storie-idee en karakters
Module 3: Dinamiese karakters
* Opwindende storieboekkarakters
* Die geheime van Harry Potter
* Hoofkarakters is helde, nie lamsakke nie
Hulpmiddel: Die karakterkaart
Werkstuk: Voltooi ’n karakterkaart
Module 4: "Praat mense so?"
* Die sleutel tot goeie dialoog
* Dialoog en geslagsverskille
* Direkte en indirekte dialoog
* TOETS jou dialoog
Werkstuk: Laat jou storiemense praat ...
Module 5: Skep 'n eie wêreld
Hulpmiddel: Die plekkaart
* Wat is gesigspunt?
* Eerstepersoonsgesigspunt
* Die alwetende verteller
* Derdepersoonsgesigspunt
Werkstuk: Voltooi 'n taak oor gesigspunt
Module 6: Die Storie-uitbouer
* Hoe lyk 'n suksesvolle intrige?
* Benut die 5-minuut-metode
Hulpmiddels: Die storie-geraamte en die storie-uitbouer
Werkstukke:
1. Voltooi die storie-geraamte
2. Voltooi die storie-uitbouer
Module 7: 'n Sterk begin
* Voorwaardes vir ’n sterk begin
* Voorbeelde van ’n sterk begin
* Weet jy nie waar om te begin nie?
* Analiseer 'n prikkelende, doeltreffende begin
TOETS die begin met ses vonkvrae
Werkstuk: Skryf die begin van jou verhaal
Module 8: Gee die middel lyf
* Hoofstukke, tonele en paragrawe
* Wat is stimulus-en-respons? Hoe help dit my om my storie op papier te kry?
* Lekker ou konflik
* Wat van skrywersblok?
TOETS die middel van jou verhaal
Werkstuk: Skryf die middel van jou verhaal
MODULE 9: Kikker die vaal kolle op
* Benut vier treffertegnieke:
1. Wys en/of vertel
2. Die geheime van lyftaal
3. Humor
4. Die flitsligmetode
* TOETS die einde met vyf vonkvrae
* Op soek na TEMA
WERKSTUKKE:
1. Skryf die einde van jou verhaal
2. Redigeer jou manuskrip en stuur dit in vir finale terugvoer
Module 10: Eerste indrukke
* Styg uit bo die massa
* Verstaan jou uitgewer
* Kontrakte: Wat is mý regte?
* Die pad vorentoe
Taak: Stuur jou manuskrip, dekbrief en sinopsis na 'n geskikte uitgewer.
Terugvoer:
So skryf Troula Goosen, 'n gepubliseerde Skryfgeheime-kinderboekstudent: "Sonder Skryfgeheime sou ek maande lank aan my storie gewerk het, net dat die eerste keurder dit met 'n boog in die snippermandjie gooi. En dan sou ek heel waarskynlik nie die moed gehad het om weer te probeer nie."
Kry die betaalplanne en skryf in:
* Jy sal alle nodige besonderhede per e-pos ontvang.
* Jou navraag plaas jou onder geen verpligting om wel 'n inbetaling te maak nie.
Gepubliseerde studente:
NUUSBRIEF:
Kompetisies
Skryfkanse
Promosies
Maandeliks
Skryfstudente gesels:
Dankie vir die terugvoering en hoe jy dit gee. Ek vind die kursus interessant, motiverend en uitdagend, en wens net ek het al hierdie inligting al jare terug gehad. Om in te skryf vir jou kursus was een van my beste besluite ooit.
Yvette Bester
Jy het geen idee hoe baie ek al klaar geleer het vandat ek met hierdie kursus begin het nie, jy het regtig geen idee nie. So baie dankie vir al jou hulp.
Judy de Bruin
Ek geniet die kreatiewe skryfkursus baie en sien dat dit totaal anders is as om feitelike beriggewing vir die koerant te skryf. Baie dankie vir die goeie kommentaar op die vorige werkstuk. Gert Kruger
Baie dankie vir jou kommentaar, dis in die kol ... ek is oopkop in die ding in, en doen dit absoluut vir die pret en om myself te ontwikkel, en neem nie kritiek persoonlik op nie.
Sanél Hopkins
Dis amper soos om 'n nuwe taal aan te leer. Elke konsep wat jy snap, maak skielik tien deure oop! As ek nou die opdrag moes oordoen, sou ek reeds baie dinge verander het. Ek sal 'n paar dae lank rustig deur alles gaan en aan die storie skaaf. Daarna sal ek wegspring met module 2. Sien reeds uit daarna. Molly Lubbinge
Die kinderboekkursus is regtig opwindend en dis my plan om teen die einde ’n volledige manuskrip te hê. Albert Short
Baie dankie vir jou terugvoer, ek het al baie soorte kursusse gevolg en joune staan kop en skouers bo die res uit. Plus, jou terugvoer beantwoord elke keer alles waaroor ek gesit en wonder het terwyl ek skryf. Die enigste probleem is ek wil nie hê die kursus moet ooit ophou nie, ek geniet dit te veel. Melanie Pienaar
Jou terugvoer het my van vooraf geïnspireer. Dankie vir die moeite wat jy doen en die tyd wat jy spandeer aan my probeerslae. Jou wenke is die vuurhoutjies wat die kers aan die brand hou. Celia du Plessis
Ek waardeer jou kursus en al die moeite wat jy doen. Dit bring die realiteit na vore sonder om my op moedverloor se vlakte te laat sit, dit laat my vars en anders dink. Beslis die koste deur en deur werd. Elizma Coetzee
My woorde lyk nie meer soos 'n vervelige rytjie wasgoed aan 'n lang draad nie. Elsabé Bester
Lees vir ontspanning ontaard nou in 'n kritiese ontrafeling van teks, karakters en skryfstyl. Ek geniet dit terdeë. Johan Nel
Ek het deur jou terugvoer op my werkstuk gegaan. Dis absoluut wonderlik! Ek is al moedeloos met vriende en familie wat nie objektiewe terugvoer kan gee nie. Ek leer geweldig baie by jou. Erica Pretorius
As stokperdjieskrywer wil ek dankie sê vir al die hulp. Vandag, jare na ek vir die kursus ingeskryf het, blaai ek steeds deur die modules en terugvoer en kry sonder uitsondering nog iets wat my skryfwerk verryk. Dit sluit wenke sowel as motivering in. Jan Bonthuys
Jou kursus, en die storie wat jy vir my geredigeer het, was van onskatbare waarde, dis ongelooflik hoe baie 'n mens leer wanneer jy deur 'n geredigeerde weergawe van jou eie storie werk. Antoinette Venter
Die kursusse het vir my oneindig baie beteken. Ek gebruik elke dag in my werk van die dinge wat ek geleer het. Dit het ook vir my die moed gegee om te waag en te skep. Ek het so baie oor myself geleer. Henriëtte Louw
Almal wat wonder of hulle kan skryf, moet hierdie kursusse volg. Ek het ongelooflik baie selfvertroue gekry en ek kon met elke module sien hoe my skryfwerk verbeter. Suretha Brits
Ek merk dat die meeste van jou studente melding maak van jou positiewe houding en aanmoediging - dis waar. Marinda van Niekerk
Ek voel dat ek met 'n doel werk en dat elke werkopdrag op 'n gehalteproduk afstuur. Melodie Veldhuizen
Jy verdien 'n pronkveer vir jou skryfkursus. Daar is 'n logiese opbou van module tot module sodat selfs 'n leek soos ek in staat is om die legkaartstukke bymekaar te sit.
Rita Hofmeyr
Skryfgeheime voel vir my soos die deurgang na 'n nuwe lewenswyse. Dankie vir jou kommentaar op my werkstukke en vir jou aanmoediging. Willem Fourie
Ek het nog nooit 'n skrywer ontmoet wat my so effektief help nie.
Elna Nieuwoudt
Alles wat jy uitgelig het, was presies dit waarmee ek gesukkel het. Dit het heeltyd vir my gevoel daar kort iets, 'n "twist". Ek het ook gevoel my storie benodig ’n opwindende verandering, dit was net te "veilig". Ek is so opgewonde en sien uit daarna om verder daaraan te werk. Yolandi Odendaal
'n Mens is huiwerig om te sien wat iemand anders van jou werk dink, maar nou kan ek nie wag om al die wenke toe te pas nie. Alta van Niekerk
Jy groei baie as mens. In jouself en
ook in jou interaksie met mense. Jy leer besef die impak van woorde.
Elmarie Schultz
Ek was so verras toe ek die terugvoer
kry en sien jy kraak nie 'n ou se werk af nie. Marieta Thünemann
Ek gaan dit geniet om ou breinpatrone uit te vee en nuwes te maak. Ek voel glad nie meer afgetree nie.
Troula Goosen
Ek het verskriklik baie geleer oor myself, ander mense én die skryfambag. Jou verbeeldingryke prikkelvrae en praktiese skryftegnieke is die perfekte kombinasie. Riëtte Botma
Die kursus was so insiggewend en verrykend, ek het ongelooflik baie geleer. Myself dikwels bevraagteken en gewonder of ek ooit die ding onder die knie gaan kry. Maar ek is nie iemand wat maklik moed opgee nie en ook nie bang om te waag nie. Dankie vir al die handvashou. Adelle von Ronge Kotze
Die kursus het ander wêrelde en deure oopgemaak. Hoop om binnekort met die kinderboekkursus of joernalistiek te begin. Monja Beyers