Skryfgeheime- aanlyn skryfskool
Algemene Kreatiewe Skryfkursus
Ons skrywers word deur nasionale uitgewers en tydskrifte gepubliseer
Wou jy nog altyd 'n skrywer wees? Word eerder 'n gepubliseerde skrywer met die Algemene Kreatiewe Skryfkursus, 'n gehalte- aanlyn skryfkursus vir elkeen wat 'n kortverhaal, novelle, tydskrifstorie of vollengte boek wil leer skryf en hul naam in druk wil sien.
As daar 'n storie in jou wegkruip - hoe diep ook al - en jy wonder hóé om dit te skryf sodat dit tot lesers én uitgewers sal spreek, dan is hierdie kursus die plek vir jou. Die kursusmateriaal is volledig en toeganklik en jou kursusleier vindingryk, kundig en simpatiek. Saam sal julle daardie idees wat in jou kop draai op papier kry.
Die Agt-Module-Plan lei jou stap vir stap van die vind van 'n geskikte idee tot en met 'n voltooide manuskrip. Jy ontvang deurlopende hulp en bystand, sowel as kundige terugvoer deur 'n gepubliseerde skrywer-vertaler-boekeredakteur binne sewe dae nadat jy 'n skryftaak ingestuur het.
Die Algemene Kreatiewe Skryfkursus spog met talle gepubliseerde skrywers by erkende uitgewers en tydskrifte. En tog is ons skrywers mense soos ek en jy.
So skryf Monja Verwey: "Ek wonder soms hoekom ek so lank gewag het om iets nuuts te probeer. Nou sien ek daar is niks om te vrees nie en doen ek kennis op wat niemand by my kan wegvat nie."
Kursusinhoud: Agt-module-plan
Die kursusmateriaal verskaf 'n raamwerk vir die ontwikkeling en skryf van jou kortverhaal of vollengte boek. Die terugvoer op jou werkstukke deur 'n gesoute mentor vorm die begin van jou redigeringsleerkurwe. Nou leer jy hoe om jou skryfwerk objektief te ontleed, te hersien en te herskryf om aan gerekende uitgewers se standaarde te voldoen. Dis 'n verrykende proses met kennis en tegnieke wat jy ook in jou werksplek kan toepas.
Module 1: Vertrekpunte
* Vind uit wat uitgewers en lesers wil hê
* Ondersoek die Goue Reëls vir ’n suksesvolle verhaal
* Bemeester vyf praktiese skryfgeheime
* Skakel die idee-masjien aan …
Werkstuk: Kies ’n storievonk en skryf ’n littelosmaker
Module 2: Beplanning & voorbereiding
* Bou jou woordeskat, uitdrukkingsvermoë en taalkennis uit
* Vind die vyf komponente van ’n suksesvolle verhaal
* Verken en benut verskeie geslaagde verhaallyne
* HULPMIDDELS: Benut die storie-geraamte en storieplan
Werkstuk: Benut die vyf-minuut-metode
Module 3: Karakters & dialoog
* HULPMIDDEL: Ontwikkel 3D-karakters
* Benut die wisselwerking tussen karakter en intrige
* Bestudeer riglyne vir doeltreffende dialoog en oefen dit in
* Vind jou karakter se "eie stem"
Werkstuk: Ontwikkel ’n prikkelende karakter
Module 4: Ruimte & gesigspunt
* Ontwikkel die ruimte/plek waar jou verhaal gaan afspeel
* Benut die wisselwerking tussen ruimte en intrige
* Bestudeer gesigspunt
* Eksperimenteer met verskillende gesigspunte
Werkstuk: Skryf ’n aksiebelaaide toneel volgens die beginsels hierbo
Module 5: Treffertonele & 'n sterk begin
* Verken en benut tien treffertonele
* Bemeester wys en vertel
* Waarom werk sekere aanvangstonele?
* Waarom werk sekere eerste hoofstukke?
Werkstuk: Skryf ’n sterk begin vir jou verhaal
Module 6: Ontwikkel 'n toneelplan
* Beplan ’n meesleurende, konflikbelaaide intrige
* HULPMIDDEL: Ontwikkel ’n toneelplan
* Stel ’n hoofstukplan saam
* Vind uit hoe om ’n vollengte manuskrip te voltooi
Werkstuk: Skryf ’n volledige toneel m.b.v. stimulus-en-respons
Module 7: Naelbyters & Tyd- en plekspronge
* Leer hoe om ’n effektiewe toneel uit te bou
* Bestudeer cliffhangers en tyd- en plekspronge
* Beplan ’n gemotiveerde einde
Wersktuk: Wend tyd- en plekspronge en cliffhangers aan en skryf 'n toneel
Module 8: Redigering & voorlegging
* Gee vorm aan jou manuskrip en rond dit af
* Kikker jou skryfstyl op met treffende metafore
* Skryf ’n dekbrief en ’n sinopsis
* Vind uit oor uitgewers en kontrakte
Werkstuk: Stel ’n volledige voorlegging saam vir ’n novelle of ’n vollengte roman, met ’n sinopsis en ’n dekbrief Of: Voltooi 'n kortverhaal of tydskrifstorie gereed vir voorlegging aan 'n geskikte tydskrif.
Kry die betaalplanne en skryf in:
* Jy sal die betaalplanne en bankbesonderhede ontvang.
* Jou navraag plaas jou onder geen verpligting om wel 'n inbetaling te maak nie.
Gepubliseerde studente:
NUUSBRIEF:
Kompetisies
Skryfkanse
Promosies
Maandeliks
Skryfstudente gesels:
Dankie vir die terugvoering en hoe jy dit gee. Ek vind die kursus interessant, motiverend en uitdagend, en wens net ek het al hierdie inligting al jare terug gehad. Om in te skryf vir jou kursus was een van my beste besluite ooit.
Yvette Bester
Jy het geen idee hoe baie ek al klaar geleer het vandat ek met hierdie kursus begin het nie, jy het regtig geen idee nie. So baie dankie vir al jou hulp.
Judy de Bruin
Ek geniet die kreatiewe skryfkursus baie en sien dat dit totaal anders is as om feitelike beriggewing vir die koerant te skryf. Baie dankie vir die goeie kommentaar op die vorige werkstuk. Gert Kruger
Baie dankie vir jou kommentaar, dis in die kol ... ek is oopkop in die ding in, en doen dit absoluut vir die pret en om myself te ontwikkel, en neem nie kritiek persoonlik op nie.
Sanél Hopkins
Dis amper soos om 'n nuwe taal aan te leer. Elke konsep wat jy snap, maak skielik tien deure oop! As ek nou die opdrag moes oordoen, sou ek reeds baie dinge verander het. Ek sal 'n paar dae lank rustig deur alles gaan en aan die storie skaaf. Daarna sal ek wegspring met module 2. Sien reeds uit daarna. Molly Lubbinge
Die kinderboekkursus is regtig opwindend en dis my plan om teen die einde ’n volledige manuskrip te hê. Albert Short
Baie dankie vir jou terugvoer, ek het al baie soorte kursusse gevolg en joune staan kop en skouers bo die res uit. Plus, jou terugvoer beantwoord elke keer alles waaroor ek gesit en wonder het terwyl ek skryf. Die enigste probleem is ek wil nie hê die kursus moet ooit ophou nie, ek geniet dit te veel. Melanie Pienaar
Jou terugvoer het my van vooraf geïnspireer. Dankie vir die moeite wat jy doen en die tyd wat jy spandeer aan my probeerslae. Jou wenke is die vuurhoutjies wat die kers aan die brand hou. Celia du Plessis
Ek waardeer jou kursus en al die moeite wat jy doen. Dit bring die realiteit na vore sonder om my op moedverloor se vlakte te laat sit, dit laat my vars en anders dink. Beslis die koste deur en deur werd. Elizma Coetzee
My woorde lyk nie meer soos 'n vervelige rytjie wasgoed aan 'n lang draad nie. Elsabé Bester
Lees vir ontspanning ontaard nou in 'n kritiese ontrafeling van teks, karakters en skryfstyl. Ek geniet dit terdeë. Johan Nel
Ek het deur jou terugvoer op my werkstuk gegaan. Dis absoluut wonderlik! Ek is al moedeloos met vriende en familie wat nie objektiewe terugvoer kan gee nie. Ek leer geweldig baie by jou. Erica Pretorius
As stokperdjieskrywer wil ek dankie sê vir al die hulp. Vandag, jare na ek vir die kursus ingeskryf het, blaai ek steeds deur die modules en terugvoer en kry sonder uitsondering nog iets wat my skryfwerk verryk. Dit sluit wenke sowel as motivering in. Jan Bonthuys
Jou kursus, en die storie wat jy vir my geredigeer het, was van onskatbare waarde, dis ongelooflik hoe baie 'n mens leer wanneer jy deur 'n geredigeerde weergawe van jou eie storie werk. Antoinette Venter
Die kursusse het vir my oneindig baie beteken. Ek gebruik elke dag in my werk van die dinge wat ek geleer het. Dit het ook vir my die moed gegee om te waag en te skep. Ek het so baie oor myself geleer. Henriëtte Louw
Almal wat wonder of hulle kan skryf, moet hierdie kursusse volg. Ek het ongelooflik baie selfvertroue gekry en ek kon met elke module sien hoe my skryfwerk verbeter. Suretha Brits
Ek merk dat die meeste van jou studente melding maak van jou positiewe houding en aanmoediging - dis waar. Marinda van Niekerk
Ek voel dat ek met 'n doel werk en dat elke werkopdrag op 'n gehalteproduk afstuur. Melodie Veldhuizen
Jy verdien 'n pronkveer vir jou skryfkursus. Daar is 'n logiese opbou van module tot module sodat selfs 'n leek soos ek in staat is om die legkaartstukke bymekaar te sit.
Rita Hofmeyr
Skryfgeheime voel vir my soos die deurgang na 'n nuwe lewenswyse. Dankie vir jou kommentaar op my werkstukke en vir jou aanmoediging. Willem Fourie
Ek het nog nooit 'n skrywer ontmoet wat my so effektief help nie.
Elna Nieuwoudt
Alles wat jy uitgelig het, was presies dit waarmee ek gesukkel het. Dit het heeltyd vir my gevoel daar kort iets, 'n "twist". Ek het ook gevoel my storie benodig ’n opwindende verandering, dit was net te "veilig". Ek is so opgewonde en sien uit daarna om verder daaraan te werk. Yolandi Odendaal
'n Mens is huiwerig om te sien wat iemand anders van jou werk dink, maar nou kan ek nie wag om al die wenke toe te pas nie. Alta van Niekerk
Jy groei baie as mens. In jouself en
ook in jou interaksie met mense. Jy leer besef die impak van woorde.
Elmarie Schultz
Ek was so verras toe ek die terugvoer
kry en sien jy kraak nie 'n ou se werk af nie. Marieta Thünemann
Ek gaan dit geniet om ou breinpatrone uit te vee en nuwes te maak. Ek voel glad nie meer afgetree nie.
Troula Goosen
Ek het verskriklik baie geleer oor myself, ander mense én die skryfambag. Jou verbeeldingryke prikkelvrae en praktiese skryftegnieke is die perfekte kombinasie. Riëtte Botma
Die kursus was so insiggewend en verrykend, ek het ongelooflik baie geleer. Myself dikwels bevraagteken en gewonder of ek ooit die ding onder die knie gaan kry. Maar ek is nie iemand wat maklik moed opgee nie en ook nie bang om te waag nie. Dankie vir al die handvashou. Adelle von Ronge Kotze
Die kursus het ander wêrelde en deure oopgemaak. Hoop om binnekort met die kinderboekkursus of joernalistiek te begin. Monja Beyers